Դիլիջան համայնքը, ներկա պահին լինելով Հայաստանում ներդրումային առումով ամենաակտիվ բնակավայրերից մեկը, գտնվում է զարգացման և փոփոխման եռանդուն փուլում։ Մասնավորապես, Դիլիջան քաղաքային բնակավայրի տարածքում ընթանում են մի շարք խոշոր շինարարական և քաղաքաշինական ծրագրեր, որոնց արդյունքում առաջիկա տարիների ընթացում այն նոր տեսք կունենա։

Մենք ուսումնասիրել ենք քաղաքում առկա հանրային տարածքների զարգացման ընթացքները, դրանց այժմյան վիճակը, գլխավոր հատակագծում քաղաքի հանրային տարածքների փոփոխությունը և բնակիչների վերաբերմունքը փոփոխվող հանրային տարածքներին։