ՄԱՍ 2
Ինչպես սոցիալական ձեռներեցությունը
կարող է փոխել քաղաքը
Urban Space 100
Ինչպե՞ս է դա աշխատում
Վիդեո
Օրինակ Հայաստանից
Թեստ
Urban Space 100 -ը սոցիալական սրճարան է Իվանո–Ֆրանկովսկում, որի հասույթի մի մասն ուղղվում է քաղաքի զարգացմանը նպաստող նախագծերին: Այս սրճարանը «Տաք քաղաք» ՀԿ-ի նախագծերից է և ապացուցում է, որ նույնիսկ մեկ փոքր նախաձեռնությունը կարող է էապես փոխել քաղաքի կյանքը։

Urban Space100 - ը յուրահատուկ ռեստորան է, որտեղ կարող եք ոչ միայն սնվել, այլև՝ ընկերներ եվ համախոհներ գտնել, գաղափարներ քննարկել և գրքեր կարդալ, գործող խանութից տեղական ապրանքներ գնել կամ շնորհանդես կազմակերպել: Սա առանձնահատուկ տեղ է ուրբանիստների հանդիպումների համար, ովքեր կարծում են, որ քաղաքը պետք է հարմարավետ լինի ապրելու համար:

100

ներդրող է միացել Urban Space նախաձեռնությանը:
1000 $

ներդրել է յուրաքանչյուր համահիմնադիրը:
80%

մաքուր հասույթի ուղղվում է քաղաքային ծրագրերի դրամաշնորհներին:
113

իրականացված ծրագիր 5 տարվա ընթացքում:
Ինչպե՞ս է դա աշխատում։
Մի սպասեք 1-2 խոշոր ներդրողի
Սրճարանի ներդրողները հարյուր հոգի են։ Յուրաքանչյուրը ներդրել է $ 1 000՝ փոխարենն իրավունք ստանալով մասնակցել դրամաշնորհային ծրագրերի ընտրությանը։ Բացի այդ, ներդրողներն իրավունք ունեն մասնացելու ձեռնարկության տարեկան հաշվետու հանդիպմանը և հարցեր ուղղել կառավարիչներին։
1
Գտեք ձեր առաձնահատկությունը
Urban Space 100-ը քաղաքում միակ սրճարանն է, որը բացվում է առավոտյան 6-ին։ Դրա կարիքը հատկապես զգում էին այդ ժամին գնացքով քաղաք ժամանող հյուրերը։ Սրճարանը, բացի համեղ ուտեստներից և հետաքրքիր միջավայրից, առաջարկում է գնել տեղացի արհեստավորների աշխատանքները, ինչպես նաև` մշակույթի և բիզնեսի վերաբերյալ գրականություն։
2
Հասույթի մեծ մասն ուղղեք հանրային ծրագրերին
Սոցիալական ձեռներեցության նպատակն է միջոցներ ստեղծել և ուղղել հանրային բարիք ստեղծելուն։ Տվյալ դեպքում, մաքուր եկամուտի 80% սրճարանը տրամադրում է քաղաքի զարգացմանը նպաստող ծրագրերին։ Օրինակ, սրճարանում գործում է առցանց ռադիոկայան, որի եթերում քննարկվում են քաղաքաշինական հարցեր: Այն ֆինանսավորվում է Urban Space 100-ի ֆոնդից:
3
Վաճառեք ֆրանշիզը
Սրճարանը նաև գումար է վաստակում իր բիզնես-մոդելի վաճառքից: Կիևում արդեն գործում է Urban Space 500 սրճարանը:
4
Դարձեք կապող օղակ քաղաքային իշխանությունների և քաղաքացիների միջև
Urban Space 100-ի տարածքում հաճախ են անց կացվում քաղաքային իշխանության ներկայացուցիչների բաց քննարկումները և ասուլիսները, որոնց կարող են մասնակցել բոլորը: Համայնքային իշխանության գործունեությունն այսպես ավելի հասանելի է դառնում քաղաքի բնակիչներին:
5
Ընտրեք հմուտ կառավարող ընկերություն
Urban Space 100-ը կառավարվում է «23 ռեստորան» ընկերության կողմից, որը պատկանում է «Տաք քաղաք» ՀԿ-ի հիմնադիրներին: Սակայն, սրճարանի ծրագրի պայմանների համաձայն, կառավարող կազմակերպությունն անհրաժեշտության դեպքում կարող է փոխվել:
6
Video
Urban Space 100
Տեսագրության տեքստը
Մարթա Գլադկա
«Urban Space» ծրագրի համակարգող


Ողջույն բոլորին, ես Մարթա Գլադկան եմ, «Urban Space» ծրագրի համակարգողը:
Մտահղացում եղավ, որ հարյուր մարդ ներդնի հազարական դոլար, և այդ ընդհանուր գումարով ռեստորան բացվի:

Ռեստորանի համահիմնադիրները հրաժարվում են եկամուտից, սակայն իրավունք ունեն ընտրել ռեստորանի կողմից ֆինանսավորվող նախագծեր:

Ռեստորանն սկսում է գործել, եկամուտ է բերում, որի մաքուր եկամուտը կիսվում է`
80%-ը տրամադրվում է քաղաքի զարգացման նախագծերին, իսկ 20%-ը հատկացվում է ռեստորանին:

Նման աշխատելաոճը կայունություն է ապահովում: Մեկ անգամ դրամ եք ներդնում, այնուհետև այդ գումարն սկսում է գեներացվել ռեստորանի կողմից և հատկացվել այլ ձեռնարկների:

Իրականում, համահիմնադիրներից 60-ը Իվանո-Ֆրանկովսկի բնակիչներ են, իսկ մյուսներն այլ բնակավայրերից են կամ Ուկրաինայի ուրիշ խոշոր քաղաքներից: Բացի այդ, նրանցից մի քանիսն արտասահմանում են ապրում, սակայն հետաքրքրված են Իվանո-Ֆրանկովսկի զարգացմամբ:

Նրանք շատ տարբեր մարդիկ են: 2014 թվականի տվյալներով, նրանց թվում կան ուսանողներ, քաղաքային վարչության աշխատակիցներ, գործարարներ:

Առավոտյան ժամը 6-ին աշխատանքն սկսելու գաղափարը պատահական չէր: Իվանո-Ֆրանկովսկ գալիս են բազմաթիվ զբոսաշրջիկներ: Առաջին գնացքը ժամանում է առավոտյան վեցին: Քաղաքում այնպիսի տեղ չկար, որտեղ կարելի էր այդքան կանուխ սուրճ խմել կամ նախաճաշել:

Առավոտյան ժամը 9-ից շուտ բացվող սրճարան չկար: Առավոտյան 6-ից բացվելու մտահղացումը մեզ անչափ հանրաճանաչ դարձրեց զբոսաշրջիկների մոտ: Այդպես մենք գտանք մեր տեղը: Այստեղ կարող եք գալ և աշխատել, ձեզ անվճար ջուր կտան, կարող եք ոչինչ չպատվիրել:

Շատ հաճախ, որոշակի ժամերին, Urban Space-ը վերածվում է co-working-ի: Տարբեր կազմակերպություններից մեզ պատմել են, որ բազմաթիվ ծրագրեր են հղացել հենց Urban Space- 100-ում:

Մեզ մոտ բաց խոհանոց է. միշտ կարող եք տեսնել, թե ինչպես է պատրաստվում ձեր պատվիրած ուտելիքը: Մի հատվածում վաճառվում են տեղական արտադրության բրենդներ. ռեստորանը նաև այդպես է գումար վաստակում:
Ռեստորանում փոքրիկ բեմահարթակ կա, որտեղ կայացող միջոցառումներն անվճար են թե կազմակերպիչների, թե ունկնդրի համար:

Ռեստորանի տարածքում է տեղակայված Urban Space Radio-ն: Ռադիոխցիկը թափանցիկ է: Ռադիոն պատմում է քաղաքի մասին, իսկ երաժշտությունը հնչում է նաև ռեստորանում:



Յուլիա Կուշնիր,
Urban Space Radio-ի ղեկավար



Հիմա Urban Space Radio-ն ժամանակակից այլընտրանքային ուկրաինական երաժշտության ամենամեծ շտեմարանն ունի:

Մեր առաքելություններից մեկն է երիտասարդ ուկրաինացի երաժիշտների ստեղծագործությունները հնչեցնել մեր եթերում։ Մյուս առաքելությունն է` պատմել քաղաքի ու քաղաքային զարգացման, քաղաքի բնակիչների մասին:

Urban Space Radio-ն սփռվում է Իվանո-Ֆրանկովսկից դուրս: Առաջին տեղում Կիեվն է` ռադիոունկնդրի շուրջ 20 տոկոսով: Երկրորդ տեղում Լվովն է, երրորդում` Իվանո-Ֆրանկովսկը, չորրորդում` Խարկովը:

Մեզ համար շատ կարևոր էր, հեռարձակվելով Ֆրանկովսկից, ընդգրկել Ուկրաինայի լայն լսարանը, և այստեղից բարձրաձայնել ուկրաինական քաղաքների խնդիրների մասին:



Մարթա Գլադկա
«Urban Space» ծրագրի համակարգող


Հարկային առաջին քառորդում արդեն ռեստորանը եկամուտ ունեցավ: Առաջին տարում ռեստորանից նախագծերին հատկացված գումարը փոքր էր` 67 հազար գրիվնա ($ 2 475):

Սակայն հենց հաջորդ տարում գումարն ավելացավ, և ռեստորանի գործունեության 5 տարվա ընթացքում հասավ 2 միլիոն 300 հազար գրիվնայի ($ 84 969): Իվանո-Ֆրանկովսկում իրագործվեց 98 նախագիծ` «Urban Space 100» դրամաշնորհային ծրագրի աջակցությամբ:

Տարեկան չորս անգամ համահիմնադիրների հավաք է լինում: Նրանք ծանոթանում են ռեստորանային ձեռնարկության հաշվետվություններին, հարցուփորձ անում աշխատանքի ընթացքի, եկամուտների և ծախսերի, ռեստորանում արվող փոփոխությունների վերաբերյալ:

Ֆինանսական հաշվետվությունը բաց է բոլոր համահիմնադիրների համար: «Urban Space 100» հարթակը միավորեց քաղաքի բնակիչներին: Սա մի հնարավորություն էր սեփական գաղափարներով կիսվելու, դրանք ներկայացնելու և համախոհներ գտնելու համար:

«Urban Space100» հարթակում հաճախ մամուլի ասուլիսներ են տեղի ունենում: Օրինակ, քաղաքային վարչության կամ այլ կազմակերպությունների կողմից: Սա քաղաքային իշխանության, հանրության և գործարար միջավայրի համագործակցության շատ լավ օրինակ է:

Urban Space-ի գաղափարը «Տաք քաղաք» ոչ առևտրական կազմակերպությունից փոխանցվում են իրենց քաղաքի զարգացմամբ զբաղվող այլ հասարակական կազմակերպություններին: Urban Space-ի առաջին ֆրանշիզը` «Urban Space 500» սրճարանը, ստեղծվեց Կիևում: Երևի հասկացաք, որ 500-ը նշանակում է 500 հազար դոլար և 500 համահիմնադիր:
Օգտակար նյութեր
Օրինակ Հայաստանից
2013թ-ից Հայաստանի փոքր, բայց խելառ գաղափարների հեղինակներն աջակից ունեն։ ՕՍՄ Երևան հիմնադրամը (The Awesome Foundation Yerevan ) հանրային վայրերում վառ գաղափարների իրականացման համար 1000-ական դոլար է տրամադրել 60-ից ավելի նախագծի: Դրանց թվում է Եղեգնաձորում թռչող լապտերի տոնը, Երևանում բասկետբոլային հրապարակի գունազարդումը, Աշտարակում դպրոցի անխնամ ճանապարհի պարսպի գունալուսային լուծումը և այլն։

«Ընտրում ենք նախագծեր, որոնց նմանը դեռ Հայաստանում չի եղել: Խնդիր չէ, եթե դրա նախադեպն արտերկրում կա: Դրանք պետք է որևէ կերպ ազդեցություն թողնեն մարդկանց վրա, լինեն հիշվող՝ առաջացնելով միջավայրի փոփոխություն։ Օրինակ, եթե քաղաքում պատ են ներկում, դա ինքնանպատակ չէ: Այն տվյալ տարածքի համար փոփոխությունների սկիզբ է դառնում», - նշում է ՕՍՄ Երևան հիմնադրամի ղեկավարներից Ալբերտ Պողոսյանը։

Հայտատուների մեծամասնությունը մարզերից է. Երևանից հետաքրքիր գաղափարներ հազվադեպ են լինում։ Հիմնադրամի վերջին ձեռքբերումներից է 2019թ-ին Արցախի մասնաճյուղի բացումը։
Թեստ
Ի՞նչ գիտես սոցիալական ձեռներեցության մասին
Ուզո՞ւմ ես օգնել քո քաղաքին և ստեղծել քո նախաձեռնությունը. ստուգենք` որքան լավ ես պատկերացնում գործընթացը:
գնացինք
Սոցիալական ձեռներեցությունը գործում է որպես բիզնես
Ճիշտ ինչպես ցանկացած այլ ձեռնարկություն, սոցիալական ձեռնարկությունը պետք է շահույթ ստանա:
Ճիշտ ինչպես ցանկացած այլ ձեռնարկություն, սոցիալական ձեռնարկությունը պետք է շահույթ ստանա:
հաջորդը
ստուգել
թեստի արդյունքը
Սոցիալական բիզնեսից ստացած շահույթը կրկին ներդրվում է ձեռնարկության մեջ կամ համայնքային ծրագրերում:
Սովորաբար, շահույթի ավելի քան 50%-ը կրկին ներդրում է դառնում:
Սովորաբար, շահույթի ավելի քան 50%-ը կրկին ներդրում է դառնում:
հաջորդը
ստուգել
թեստի արդյունքը
Սոցիալական ձեռնարկությունը պետք է ձգտի հնարավորինս մեծ շահույթ բերել ներդրողների համար:
Թեպետ սոցիալական ձեռնարկությունը շահույթ է բերում, այն պայմանավորված չէ բաժնետերերի շահաբաժիններով:
Թեպետ սոցիալական ձեռնարկությունը շահույթ է բերում, այն պայմանավորված չէ բաժնետերերի շահաբաժիններով:
հաջորդը
ստուգել
թեստի արդյունքը
Սոցիալական ձեռնարկատիրությունը բարեգործություն է:
Թեև սոցիալական ձեռնարկությունը կարող է ունենալ բարեգործական կարգավիճակ, այն չի ապավինում միայն դրամաշնորհի ֆինանսավորմանը կամ նվիրատվություններին: Հետևաբար, այն բարեգործություն չէ:
Թեև սոցիալական ձեռնարկությունը կարող է ունենալ բարեգործական կարգավիճակ, այն չի ապավինում միայն դրամաշնորհի ֆինանսավորմանը կամ նվիրատվություններին: Հետևաբար, այն բարեգործություն չէ:
հաջորդը
ստուգել
թեստի արդյունքը
Սոցիալական ձեռնարկությունները հարկ վճարող կազմակերպություններ են:
հաջորդը
ստուգել
թեստի արդյունքը
Կարո՞ղ է սոցիալական ձեռնարկությունը առևտրային բաժնետոմսեր ունենալ:
հաջորդը
ստուգել
թեստի արդյունքը
Սոցիալական ձեռներեցները փորձում են փոխել մարդկանց մտածելակերպը:
հաջորդը
ստուգել
թեստի արդյունքը
Օ ոչ, դա ձախողում է ...
Հնարավոր է դուք ունեք ցանկություն օգնել ձեր համայնքին, բայց միայն ցանկությունը բավարար չէ որևե բան փոխելու համար:
կրկին սկսել
Ինչ որ բան հասկանում էք
Սակայն հնարավոր է խառնում եք սոցիալական ձեռներեցությունը բարեգործության հետ:
կրկին սկսել
Վատ չի
Դուք կարող եք սկսել մտածել ձեր գաղափարների շուրջ:
կրկին սկսել
Հիանալի է
Դուք սոցիալական ձեռներե՞ց եք: Եթե ոչ` ապա դա ձեզ մոտ հաստատ կստացվեր:
կրկին սկսել