Ընդհանուր պատկեր. թվերն ընդդեմ ստանդարտների
Կանաչը զբաղեցնում է քաղաքի մոտ 30%-ը, բայց ընդհանուր օգտագործման կանաչ գոտիները ընդամենը 928 հեկտար են՝ մոտ 8,4 քմ մեկ բնակչին, ինչը ցածր է 9 քմ նվազագույն շեմից։
Քանի՞ քառակուսի մետր կանաչ մեկ բնակչին
Քմ մեկ բնակչին։ 28,8 և 4,5 թվերը «Բարգավաճ Հայաստան»-ի պնդումներն են և չեն համընկնում քաղաքապետարանի տվյալների հետ. տարբեր հաշվարկներ կարող են ներառել կանաչի տարբեր տեսակներ։
Որքա՞ն է կանաչը քաղաքի տարածքում
Աղբյուրներ՝ Երևանի քաղաքապետարան (վերջին հրապարակված տվյալներ), «Ազգային առաջընթաց» կուսակցության 2023 ծրագիր (40%)։ Ընդհանուր օգտագործման կանաչի բաժինը հաշվարկված է 928 ÷ 6760 հարաբերությամբ, քաղաքի տարածքի ~4%-ը՝ 30%-ի հիման վրա։
«Կանաչ օղակ» և բուֆերային գոտիներ
Ո՞վ ինչ էր խոստանում կանաչի ոլորտում։ Ամենալայն ծրագիրն ուներ «Իմ քայլը» դաշինքը՝ հինգ ուղղություններից չորսը, որը և հաղթեց ընտրություններում։ Չափելի թիրախ մեկ բնակչին ընկնող կանաչի համար առաջարկել էր միայն «Երկիր Ծիրանի»-ն։
| Ուժ | Նոր կառույց / կառավարում | Բուֆերային գոտիներ, անտառներ | Ոռոգում | Կառուցապատման սահմանափակում | Թվային թիրախ (քմ/բնակիչ) |
|---|---|---|---|---|---|
| «Իմ քայլը»Հայկ Մարության | |||||
| «Բարգավաճ Հայաստան»Նաիրա Զոհրաբյան | |||||
| «Երկիր Ծիրանի»Զարուհի Փոստանջյան | |||||
| «Օրինաց երկիր» | |||||
| «Երևանյան հասարակություն»Անահիտ Թարխանյան |
«Օրինաց երկիր»-ի խոստումները (կանաչ տանիքներ, անվճար տնկիներ) այս ուղղություններից դուրս են. տես ստորև։ «Բարգավաճ Հայաստան»-ը նշում էր 28,8 քմ նորմատիվը, բայց այն որպես թիրախ չէր խոստանում։
«Իմ քայլը» դաշինք
- Հիմնել «Կանաչապատում և շրջակա միջավայրի պահպանություն» ՀՈԱԿ
- Բուֆերային «թոքերի»՝ Ծիծեռնակաբերդ, Հաղթանակ զբոսայգի, Սարալանջ, Փարոս, փուլային վերականգնում և անտառտնկում
- Նոր ոռոգման համակարգեր և եղածների արդիականացում
- Կանաչ տարածքներում ապօրինի և ժամկետանց շինությունների ապամոնտաժում
- Բարեկարգել և ընդլայնել հանրային կանաչը. ծանր մետաղներով աղտոտված հողերում՝ չեզոքացնող բույսեր
- Դալմա՝ հողահատկացումների գույքագրում, ապօրինի նախագծերի կանխում, ոռոգման առվակների վերականգնում
«Բարգավաճ Հայաստան»
- Պնդում՝ կանաչը նվազել է 28,8 → 4,5 քմ մեկ բնակչին
- Անտառպարկեր ազատ հողեր ունեցող վարչական շրջաններում
- Քաղաքը փոշուց պաշտպանող կանաչ գոտի
- Առկա 90 պուրակի, այգու և հանգստի գոտու բարեկարգում
«Երկիր Ծիրանի»
- Կանաչը հասցնել 25 քմ մեկ բնակչին
- Հատուկ հարկ անտառներում և կանաչ գոտիներում կառուցված անշարժ գույքի համար
- Ոռոգման ցանցի հիմնովին վերանորոգում
- Բուսաբանական այգու և Երևանյան լճի շրջակա այգու վերականգնում
«Օրինաց երկիր»
- «Կանաչ տանիքներ» նախագիծ բազմաբնակարան շենքերի համար
- Տնկիների անվճար տրամադրում համատիրություններին
«Երևանյան հասարակություն»
- Փոքր կենտրոնում նոր շինարարության մորատորիում կամ խիստ սահմանափակում
- Գլխավոր պողոտայի պաշտպանություն առևտրային կառուցապատումից
- Ապօրինի շինությունների ապամոնտաժ
- Գլխավոր հատակագծի համալիր էկոլոգիական աուդիտ
Նոր կանաչ տարածքներ. ինչ է գրանցված քարտեզում
Քաղաքապետարանի քարտեզում 2021–2024 թվականներին գրանցված է 21 նոր կանաչ տարածք՝ ընդհանուր 454 400 մ² (45,44 հա)։ 2025–2026 թվականների համար նոր տարածք չկա։ Համեմատության համար. 2024-ին քաղաքապետը խոստացել էր 250–300 հեկտար 5 տարում։
Նոր կանաչ տարածք ըստ տարիների, հա
Քարտեզում նշված տարեթվով։ Դաշտը չի նշում՝ դա տնկման սկզբի, թե ավարտի տարին է։
Խոստումն ընդդեմ քարտեզի
«Գալիք հնգամյակում Երևանում պլանավորում ենք ստեղծել 250–300 հեկտար նոր կանաչ տարածքներ» (Տիգրան Ավինյան, 2024)
30,4 հա-ն քարտեզի 2023 և 2024 թվականների տարածքների գումարն է. 2023-ի մի մասը ընտրություններից առաջ է։ Միայն 2024-ին՝ 11,6 հա։
Ամենամեծ նոր տարածքները
Մակերես (հա) · ծառեր · տարի։ ● Ոռոգման համակարգ չունի։
Ի՞նչ եղավ կանաչ խոստումների հետ
Ստուգված 14 խոստումից ամբողջությամբ կատարված է 2-ը, 4-ը կատարվել են մասնակի, 4-ը ընթացքի մեջ են։ Երեք խոստման կատարման մասին հրապարակային տվյալներ չեն գտնվել։
Կանաչապատման ՀՈԱԿ-ի ստեղծում
Ծիծեռնակաբերդի բուֆերային գոտու վերականգնում
Կենսունակությունը կորցրած ծառերի փոխարինում
Սարալանջի լանջերի վերականգնում
Հաղթանակ զբոսայգու բուֆերային գոտու անտառտնկում
«Փարոսի» անտառտնկարկի վերականգնում
Նորքի նախկին այգիներում 10 հա անտառ
Հրազդանի կիրճին պահպանվող կարգավիճակ
Դալմայի 200+ հա այգի՝ առանց կառուցապատման
250–300 հա նոր կանաչ 5 տարում
Մեկ անձին 9 քմ կանաչ
200 հազար ծառ 7–8 տարում
~120 կմ նոր ոռոգման ցանց
Տնկարան՝ տարեկան 10 000 ծառ
Կարգավիճակը՝ 2026 թ. հոկտեմբերի դրությամբ։ Աղբյուրներ՝ «Իմ քայլը» (2018) և «Քաղաքացիական պայմանագիր» (2023) նախընտրական ծրագրեր, Երևանի քաղաքապետարանի հաղորդագրություններ և GIS քարտեզ (gis.yerevan.am, «Նոր կանաչ տարածք» և «Հրազդանի կիրճ (Հատուկ պահպանման տարածք)» շերտեր, դիտվել է 2026-ի հոկտեմբերի 18-ին. ամփոփ թվերը՝ 454 400 մ², 14 720 ծառ, 15 995 մ ոռոգում, համընկնում են շերտի տվյալների գումարի հետ), Երևանի ավագանու որոշումներ։ «Տվյալներ չեն գտնվել» նշանակում է, որ հասանելի աղբյուրներում կատարման մասին տեղեկություն չկա, ոչ թե որ խոստումը չի կատարվել։