ՀԻՄՆԱԿԱՆ ՍԿԶԲՈՒՆՔՆԵՐ

• Ճշգրտությունն ավելի կարևոր է, քան արագությունը
• Տեղեկատվությունը պետք է հաստատվի առնվազն երկու անկախ աղբյուրների միջոցով
• Լրագրողները պետք է քննողաբար մոտենան ստացվող ցանկացած տեղեկատվության ու տվյալի
• Առաջնային աղբյուրներից տեղեկատվություն հավաքելը գերադասելի է

ՓԱՍՏԵՐԻ ՍՏՈՒԳՄԱՆ ԳՈՐԾԸՆԹԱՑ

• Հեղինակը նախապես տեղադրում է իր ներկայացրած բոլոր փաստերի և պնդումների ապացույցներն անմիջապես նյութում՝ տվյալ բառի կամ արտահայտության վրա ավելացնելով ակտիվ հղումներ
• Փաստեր ստուգողն, ըստ անհրաժեշտության, մեկնաբանություններ է թողնում, հարցեր տալիս հեղինակին և կատարում որոշակի փոփոխություններ
• Նյութի հեղինակն արձագանքում է ստուգողի կատարած մեկնաբանություններին և պատասխանում հարցերին

ԱՆՁՆԱԿԱՆ ՏՎՅԱԼՆԵՐ

• Մարդկանց անուններ՝ օգտագործելով անձը հաստատող փաստաթղթեր, պաշտոնական էջեր սոցիալական ցանցերում, ընկերության պաշտոնական գրառումներ
• Հոդվածի կերպարների անձնական հարաբերություններ՝ հաստատելով պաշտոնական փաստաթղթերով, հանրային միջոցառումների մասնակցության ապացույցներով
• Ամսաթվեր և ժամանակաշրջաններ՝ ստուգելով անձնական փաստաթղթերով, ընկերությունների հաշվետվություններով, իսկ պատմական տեղեկությունները՝ հղում կատարելով կիրառված գրքերի կամ հավաստի առցանց նյութերին
• Հասցեներ՝ օգտագործելով ընկերությունների/կազմակերպությունների պաշտոնական գրառումները և իրավաբանական անձանց ռեգիստրը

ԹՎԱՅԻՆ ԲՈՎԱՆԴԱԿՈՒԹՅՈՒՆ

• Պատկերների հետադարձ որոնումներ՝ պարզելու, թե արդյոք նկարը փոփոխվել է
• Օգտագործվող տեսանյութի վերբեռնման սկզբնական ամսաթիվը պետք է ստուգվի
• Սոցիալական մեդիայից նյութերը պահանջում են հատուկ ուշադրություն փաստի և կարծիքի միջև տարանջատելու համար

ՖԻՆԱՆՍԱԿԱՆ ԵՆ ԻՐԱՎԱԿԱՆ ՏՎՅԱԼՆԵՐ

• Թվերը և ֆինանսական ցուցանիշները՝ տրամադրելով փաստաթղթեր կամ այլ ապացույցներ, որոնք ցույց են տալիս բնօրինակ թվերը
• Իրավական փաստաթղթերը պետք է լինեն հասանելի, որոնելի և հստակ նշված
• Օրենքների մեջբերումները պետք է ներառեն ակտիվ հղումներ կամ օրենքի հաստատված տեքստ

ԱՆԱՆՈՒՆ ԱՂԲՅՈՒՐՆԵՐ

• Անանուն աղբյուրներ օգտագործվում են միայն, երբ տեղեկատվությունը հատուկ նշանակություն ունի և հրապարակային աղբյուր հասանելի չէ
• Լրագրողները պետք է աղբյուրից ճշտեն, թե ինչպես է նա հավաստում տեղեկատվության արժանահավատությունը
• Անանուն աղբյուրների դեպքում տեղեկատվությունը չպետք է հրապարակվի, մինչև առնվազն մեկ այլ աղբյուրից այն չհաստատվի

ՀԱՐՑԱԶՐՈՒՅՑՆԵՐ ԵՆ ՀԱՅՏԱՐԱՐՈՒԹՅՈՒՆՆԵՐ

• Հարցազրույցները պետք է ձայնագրվեն և պահպանվեն առնվազն մեկ տարի
• Լրագրողները միշտ պետք է սղագրեն/վերծանեն իրենց հարցազրույցները և պահեն տեղեկավոր բաժինների հետ մեկ տարի

ԱՅԼ ԼՐԱՏՎԱՄԻՋՈՑՆԵՐ

• Այլ լրատվամիջոցներ օգտագործելիս որպես տեղեկատվության աղբյուր պետք է հղում տալ
• Վիքիպեդիան օգտագործվում է միայն հետագա ստուգման համար փաստերի աղբյուրներ գտնելու համար, ոչ որպես տեղեկատվության հիմնական աղբյուր

ԹԱՓԱՆՑԻԿՈՒԹՅՈՒՆ

• Թափանցիկությունը կարևոր է ինչպես տեղեկատվություն ստանալու, այնպես էլ այն ներկայացնելու հարցում
• Լրագրողները բացահայտ ներկայանում են որպես լրագրող և հայտնում, որ տեղեկատվությունը պահանջվում է նյութի համար
• Մենք չենք վճարում հարցազրույցների համար

ՍԽԱԼՆԵՐԻ ՈՒՂՂՈՒՄ

• Նյութի ճշգրտությունը ստուգելու անհրաժեշտությունը կա նաև դրա հրապարակումից հետո
• Լրագրողները պարտավոր են անհապաղ և հետևողականորեն ուղղումներ կատարել խմբագիրների իմացությամբ
• Հոդվածի հրապարակումից հետո տեղեկատվության փոփոխության դեպքում՝ հոդվածի վերջում ավելացվում է նշում, որտեղ բացատրվում են փոփոխությունների պատճառները, և համապատասխան հայտարարություն կատարվում է սոցիալական ցանցերում

ՀԱՇՎԵՏՎՈՂԱԿԱՆՈՒԹՅՈՒՆ

• Լրագրողները պետք է ձգտեն լինել ազնիվ և հավաստի իրենց լսարանի համար
• Պահպանել փաստի և կարծիքի միջև հստակ սահմանազատում
• Խուսափել կարծրատիպային կամ նկատառություն հարուցող նկարագրություններից
• Հարգել այլ լրատվամիջոցների լրագրողներին և նրանց կատարած աշխատանքը

ԼՈՒՍԱՆԿԱՐՆԵՐ ԵՆ ՏԵՍԱՆՅՈՒԹԵՐ

• Երրորդ անձից ստացած լուսանկարները և տեսանյութերը հրապարակվում են հղում կատարելով տրամադրողին/կազմակերպությանը
• Տպագիր նյութերից լուսապատճենած լուսանկարները հրապարակվում են հղում կատարելով դրանց նկարչին կամ աղբյուրին

ՀԱՄԱՏԵՔՍՏԻ ԿԱՐԵՒՈՐՈՒԹՅՈՒՆԸ

• Յուրաքանչյուր փաստաթուղթ, հայտարարություն, իրադարձություն և պատմություն ունի ընդհանուր համատեքստ, որը պետք է դիտարկել
• Տեղեկատվությունը պետք է ներառվի պատմության մեջ միայն այն դեպքում, եթե այն նպատակ ունի ապացուցելու, նպաստելու կամ ամրապնդելու պատմության ընդհանուր տեսակետն ու բառապաշարը

ԵԶՐԱԿԱՑՈՒԹՅՈՒՆՆԵՐ ԵՆ ԵՆԹԱԴՐՈՒԹՅՈՒՆՆԵՐ

• Պետք է նշել պատմության եզրակացությունների հիմքերը՝ փաստաթղթեր, տեղեկյություններ, հայտարարություններ և այլն
• Պատմության յուրաքանչյուր եզրակացության համար պետք է նշել փաստաթուղթը, տեղեկությունը կամ հայտարարությունը, որի վրա հիմնվել եք
• Ընդունելի են միայն այն պնդումները, որոնք հիմնված են ճշգրտել ստուգված փաստերի վրա