Կին ճարտարապետներ

Թամար Թումանյան (1907-1989)

Թամար Թումանյան
 

Թումանյանների տասներորդ զավակ և Ավետիք Իսահակյանի սանիկ Թամարը սովորել է Երևանի Գայանյան դպրոցում, ապա ընդունվել Երևանի պետական համալսարանի տեխնիկական ֆակուլտետ, հետո տեղափոխվել Շինարարական ինստիտուտ` ձեռք բերելով ճարտարապետի մասնագիտություն:


Աշխատել է Ալեքսանդր Թամանյանի արվեստանոցում, մասնակցել Օպերայի և բալետի թատրոնի շենքի, կառավարության տան նախագծային աշխատանքներին: Հետագայում մտել է ճարտարապետ Մարկ Գրիգորյանի արվեստանոց: Եղել է Ճարտարապետների միության քարտուղար, Ճարտարապետական հիմնադրամի նախագահ:


Երկրորդ աշխարհամարտի տարիներին Թամարը կորցրել է սիրելիին և այլևս չի մտածել ընտանիք կազմելու մասին: Թամարը ղեկավարել է Հովհաննես Թումանյանի թանգարանը` քրոջ` Աշխենի մահվանից հետո 1966-1989 թթ.: Նրա տնօրինության տարիներին կառուցվել է թանգարանի երկրորդ մասնաշենքը, ստեղծվել «Լոռվա ձոր» համայնապատկերը, տոնվել Թումանյանի ծննդյան 100-ամյակը: Թամարը մտահղացմամբ թանգարանի մի անկյունում իրագործվել է թումանյանական Վերնատունը վերականգնելու գաղափարը:





Աշխատանքները․
  • Քանաքեռ ԳԷՍ-ի բնակելի շենք, Երևան
  • №447 գործարանի բնակելի շենք, Երևան
  • №447 գործարանի հանրակացարան, Երևան
  • Օդերևութաբանական վարչության շենք, Երևան
  • Հյուրանոց Սիսիանում